OpenAI o‘smirlarning o‘qotar qurollar haqidagi savollariga qo‘yiladigan cheklovlarni kuchaytirdi
Kompaniya yangi cheklovlar savol “zararsizdek ko‘rinsa ham” qo‘llanishini ma’lum qildi.
Kompaniya yangi cheklovlar savol “zararsizdek ko‘rinsa ham” qo‘llanishini ma’lum qildi.
Yarrrrrbright/Shutterstock
OpenAI ChatGPT orqali o‘smirlar olishi mumkin bo‘lgan “qurol-yarog‘ bilan bog‘liq ma’lumotlar”ni cheklashini e’lon qildi. Kompaniya bu haqda so‘nggi bayonotida ma’lum qildi. OpenAI avvaldan ChatGPT foydalanuvchilarga zo‘ravonlik qilishga yordam berishi yoki o‘smirlarning qurolga ega bo‘lishiga ko‘maklashishining oldini oluvchi qoidalarga ega edi.
Endi bunday holatlarni yanada cheklash uchun kompaniya o‘smirlar bilan suhbatlarda “zo‘ravonlik qilish niyati sezilmasa ham, qurol va xavfsizlik tizimlari haqida noto‘g‘ri maqsadda ishlatilishi mumkin bo‘lgan amaliy ma’lumotlarni cheklash”ini aytdi.
Shu bilan birga, o‘smirlar zo‘ravonlikning oldini olish yoki uni yumshatish, yordam so‘rash va ishonchli katta yoshli inson bilan bog‘lanish uchun ChatGPT’dan foydalanishda davom eta oladi.
OpenAI nafaqat o‘smirlar, balki barcha foydalanuvchilar uchun ham qoidalarni kuchaytirmoqda. Ayniqsa, “o‘tmishda sodir bo‘lgan ommaviy hujumlarni qayta tiklash, jumladan, ishlatilgan qurol va jihozlar hamda ularga qanday ega bo‘lingani haqida ma’lumot berish, shuningdek, hujum ko‘lamini taqqoslab, tajovuzkorning mashhurligini oshirib yuborishi mumkin bo‘lgan batafsil ma’lumotlar” so‘ralganda yangi chegaralar amal qiladi.
Biroq bu cheklovlar OpenAI o‘tgan yili joriy qilgan ota-ona nazorati bilan birga ishlaydi. Agar ota-onaga ulangan o‘smir akkaunti zo‘ravonlik tahdidlari yoki zo‘ravonlik harakatlari bilan bog‘liq ChatGPT qoidalarini buzsa, ota-onaga bildirishnoma yuboriladi.
Qo‘shimcha himoya choralari OpenAI o‘tgan yili noto‘g‘ri o‘lim haqidagi da’vo bilan sudga berilganidan keyin joriy etildi. Shuningdek, kompaniya bosh direktori Sam Altman joriy yil boshida Tumbler Ridge otishmasi bilan bog‘liq xavotirli chat yozishmalarini politsiyaga xabar qilmagani uchun omma oldida uzr so‘ragan edi.
OpenAI kelgusida o‘zining ilk Community Safety Report hisobotini 2027-yil boshida e’lon qilishini bildirdi. Shundan keyin hisobot har olti oyda yangilanib boradi.