O‘zbekistonda steyblkoinlar orqali to‘lovlarni sinovdan o‘tkazish boshlandi
O‘zbekiston Markaziy banki va Istiqbolli loyihalar milliy agentligi (NAPP) to‘lov vositasi sifatida steyblkoinlardan foydalanishni sinovdan o‘tkazmoqda.
O‘zbekiston Markaziy banki va Istiqbolli loyihalar milliy agentligi (NAPP) to‘lov vositasi sifatida steyblkoinlardan foydalanishni sinovdan o‘tkazmoqda. Regulyatorlar markaziy bankning raqamli valyutasi — CBDC’ni joriy etish imkoniyatini ham o‘rganmoqda. Bu haqda Markaziy bank raisi o‘rinbosari Nodirbek Achilov avgust oyida ma’lum qildi…
Hozirgi sinovlar kichik ko‘lamda olib borilmoqda. Dastlab chakana to‘lovlar litsenziyaga ega moliyaviy tashkilotlar orqali amalga oshiriladi. Markaziy bank tizimning asosiy mexanizmlarini ishlab chiqish hamda moliyaviy tashkilotlar o‘rtasidagi hisob-kitoblarni yo‘lga qo‘yishga e’tibor qaratadi.
Markaziy bank moliyaviy tashkilotlar o‘rtasidagi hisob-kitoblar uchun ulgurji CBDC modelini ham ko‘rib chiqmoqda. Regulyator xalqaro tajribani o‘rganib, CBDC bo‘yicha tahliliy hujjat tayyorlamoqda. Yakuniy qaror tegishli tadqiqotlar tugallangach, zarur infratuzilma va huquqiy-me’yoriy baza yaratilgandan so‘ng qabul qilinadi.
Shu bilan birga, NAPP obligatsiyalar va aksiyalarni tokenlashtirish uchun alohida tartibga solish tizimini ishlab chiqmoqda. Yangi qoidalarda tokenlashtirilgan aktivlarni hisobga olish, to‘lov va kliring jarayonlari, ularni saqlash, shuningdek investorlarning huquqlari — jumladan, aksiyadorlarning ovoz berish va korporativ boshqaruvdagi ishtiroki — tartibga solinishi kutilmoqda.